કંટેન્ટ પર જાઓ

જયારે “આઈ” (મા) ઝાડું લઈને ફરી વળે છે ત્યારે !!!

મે 11, 2016

જયારે “આઈ” (મા) ઝાડું લઈને ફરી વળે છે ત્યારે !!!

 

13124552_1345049448844829_3751223969219625824_n

વર્ષ ૧૯૮૦

મે મહિનાની શરુઆત થઈ ગઇ હતી !

શાળામાં પણ વેકેશન પડી ગયું હતું !

અમે ત્રણ ભાઈને એક બહેન !

સૌથી મોટી એક  માત્ર બહેન !

પછી ત્રણ અમે નમૂના !

હું સૌથી નાનો !

વલસાડના ધરમપૂર તાલુકામાં કેન્સરની બીમારીથી પીડાતા મારા મોટા કાકાની સારવાર ચાલતી !

મારી “આઈ” યાને કે “મા” ત્યાં સેવા માટે ગઈ હતી !

તે વખતે તો લેન્ડ લાઈન ફોન  પણ ભરૂચ જેવા શહેરમાં માંડ કોઈને ત્યાં જોવા મળે !

ખબર અંતરનું એક માત્ર માધ્યમ “પોસ્ટ કાર્ડ” કે અંતરદેશીય પત્ર !

વેકેશનના થોડા દિવસ તો મારા સારા ગયા !

પણ રાત્રે સુતી વખતે “આઈ” સાથે સુવાની આદત મને “આઈ”ની વધુ યાદ અપાવતી !

તે વખતે દસ વર્ષની આયુ એટલે આજકાલની પાંચ વર્ષની આયુ !

મારી જિદ્દ એટલી જ કે “આઈ” રાતે જોઈએ જ !

નહી તો મને ઊંઘ જ ન આવે !

જેમ તેમ કરી મોટી બહેન મનાવે !

પણ છેવટે એ પણ કંટાળી ગઈ હતી !

એણે ધરમપુર કાકાને ત્યાં પત્ર લખ્યો !

કે નરેન બહુ પજવે છે !

ને રાતે તો બહુ જ રડે છે !

તું એક બે દિવસ માટે પણ આવી જા !!

૨૦૦ કી.મી. દૂર  માત્ર સેવા માટે કાકીની સહાય માટે ગયેલી “આઈ”ને મોટી બહેને ત્રણ ચાર પત્રો લખી નાખ્યા !

મને યાદ છે એ દિવસે સવારનો સમય હતો !

લગભગ ૧૦ વાગ્યા હશે !!

મારું અંતરમન કહેતું હતું કે આજે “આઈ” જરૂર આવશે !

ને એવું જ બન્યું !

દૂરથી મે જોયું તો “આઈ” હાથમાં થેલી લઇને ઝડપથી ઘર તરફ આવી રહી હતી !

ને હું ખુશીથી ઉછળી રહ્યો હતો !

એ “આઈ”…આવી ગઈ …એ “આઈ” આવી ગઈ !

“આઈ” ઘરમાં પ્રવેશ કરે છે !

થેલી મૂકી ને સીધી જ રસોડામાં જાય છે !

“આઈ” થેલીમાં શું લાવી એ જોવા હું થેલી ફંફોશું છું !!

ત્યાં તો “આઈ” હાથમાં ઝાડું લઈને સટાસટ મને ધીબેડવા જ માંડે છે !!

ઓ “આઈ” …ઓ  “આઈ”ની એ  બૂમો પાડી ન મારવા વિનંતી કરું છું !

પણ “આઈ”ની “આતા માઝી સટકલી” જેવું હતું !

એ તો ક્રીશ ગેઈલ જેવું જ મારા પર બેટિંગ કરવા લાગી !!!

હજી એ ફટકા મને અનુભવાય છે !

જીવનમાં એક જ વાર ખાધેલો એ માર અદભૂત હતો !

“અદભૂત” એટલા માટે હતો !

કે એ માર “આઈ” નો હતો !

જેમાં ઘણી બધી શીખ હતી !

સાંત્વના હતી !

હુંફ હતી !

બસ તે દિવસથી મેં કદી “આઈ”ને એવી રીતે પજવી નહોતી !

મેનેન્જાઈટીસની બીમારીથી પીડાઈ અમને  “બાય”  કરી ગયેલી મારી “આઈ”

અને એનો ઝાડુંનો અદભૂત માર !

“આઈ” કહેતી કે કોઈની સેવા માટે જઈએ ત્યારે આમ હેરાન ન કરાય !

પછી એ રાત્રે મને એની પાસે સુવા મળ્યું ત્યારે ….જ અનુભવ્યું કે !

“આ જ સ્વર્ગ”

પણ એ પણ એમ ને એમ ન મળે ભાઈ !!!

ઝાડું ફરી વળે ત્યારે મળે છે !!

© નરેન કે સોનાર ” પંખી “

Advertisements

From → Uncategorized

ટિપ્પણી આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

%d bloggers like this: